Gipahamtang ug nakadesisyon ang Land Transportation Franchising and Regulatory Board (LTFRB) ang 30 ka adlaw nga preventive suspension sa kompanya sa bus nga nalambigit sa aksidente sa Zamboanga del Sur.
Diin, ang nahitabong insidente nakapatay ug duha ka tawo ug nakaangol sa labing menos 10 pa ka indibidwal.
Matod sa LTFRB, ilang gisuspenso ang operasyon sa Rural Transit Mindanao Inc.(RTMI) samtang nagpadayon ang imbestigasyon.
Ang LTFRB niluwat usab og show cause order ngadto sa tag-iya sa RTMI, Yanson Group Bus Company, nga gikatakdang husayon karong umaabot Hulyo 15 sa LTFRB regional office sa Pagadian City.
Ang bus giingong nahulog sa lawom nga bahin sa kalsada sa Barangay Mahayag, lungsod sa Dumigag, niadtong Hulyo 10.
Base sa pamahayag sa drayber, nawad-an og brake ang bus ug disgrasyang nahulog sa daplin sa karsada.|Bombo Irene Ardiente
