Mag-atubang og kaso si Assistant Regional Director Arturo Apolinar, sa buhatan sa Office of the Ombudsman-Visayas human sa mga pasangil nga pagpang illegal tapping sa supply sa tubig ug kuryente sa usa ka pribadong kompanya.
Giluwatan ang reklamo niadtong Agosto 27, 2025, sa usa ka empleyado sa LTO-7 Motor Vehicle Inspection Center (MVIC) sa Mandaue City, nga giila nga si Carmen Celestial (dili tinoud nga pangalan), giakusahan si Assistant Regional Director Arturo Apolinar sa grave misconduct, dishonesty, ug conduct prejudicial to the best interest of the of the service.
Mipasangil ang naasoy nga reklamante nga gitugotan ni Apolinar ang usa ka insurance company nga ilegal nga mo-tap sa mga linya sa tubig ug kuryente gikan sa MVIC compound ngadto sa pribadong gitukod nga building—aron gamiton isip insurance office—tupad sa pasilidad sa LTO.
Dugang usab niini gipasanginlan si Apolinar, nga nangilkil og 500,000 gikan sa Private Emission Testing Centers (PETCs) bugti sa pagpadali sa pag-apruba sa aplikasyon, unya nangayo og kuwarta atol sa usa ka visit inspection.
Miisyu og Notice to Explain Si LTO Assistant Secretary Vigor Mendoza II, sa umaabot Agosto 8, 2025, nga nagmando kang Apolinar sa pagtubag sa mga resulta sa internal nga imbestigasyon.
Samtang, gihimakak usab ni Apolinar ang mga pasangil, ug gibansagan kini nga balos nga gipasanginlan ni LTO-7 Regional Director Glenn Galario, kinsa mismo nag-atubang sa managlahing mga reklamo atubangan sa Ombudsman.
Sapagka karon, nisumiter na siya ug suwat alang sa katin-awan ngadto kang Mendoza apan nagdumili sa pagbutyag sa unod niini.
