Miisyu og Show Cause Order ang buhatan sa Land Transportation Office – Central Visayas (LTO-7) ngadto kang Basak Mandaue City Barangay Captain Felipe “Eping” Diano tungod kay na-videohan kining nagmotorsiklo sa nasudnong highway nga walay sul-ob nga helmet nga mikatap sa social media./
Gipa-summon si Diano ngadto sa LTO-7 aron mapatim-aw niini ang iyang traffic violation nga nahitabo niadtong Enero 5.
Nasuta sa LTO-7 nga ang kalapasan sa lagda sa trapiko ni Diano kay ang failure to wear prescribed motorcycle helmet ug reckless driving while proceeding through a red traffic light.
Gimanduan sab ang barangay kapitan nga i-surrender ang iyang driver’s license ug ipresentar ang Official Reciept o Certificate of Registration (OR/CR) sa motorsiklo sa gikatakdang adlaw sa pagdungog niini.
Gipahamtangan sab kini og 90-day suspension subay sa mando sa buhatan batok sa insidenteng may kalabot na sa pagpatuman sa lagda sa trapiko ma-ordinaryong sibilyan man o opisyal sa sanga sa gobyerno o kagamhanan.
