Magpasiugda ang buhatan sa Land Transportation Office – Central Visayas (LTO-7) sa usa ka comprehensive Road Safety Week nga gipahigayon sa Dakbayan sa Sugbo isip kabahin sa National Road Safety Month karong buwan sa Mayo 2025.
Ang maong kalihokan kay sugdan sa umaabot Lunes, Mayo 19 ug muhangtod sa Biyernes, Mayo 23.
Pasiugdahan ang maong kalihokan ni LTO-7 Regional Director Glen Galario ang lima ka adlaw nga inisyatiba nga nagtumond sa pag-promote og road safety awareness sa tibuok rehiyon.
Gani niadtong nakalabayng Miyerkules, Mayo 14 kay nagpulong ang mga LTO-accredited driving schools, key transport operators, truckers association, motorcycle clubs, local government units, Highway Patrol Group, advocacy groups ug uban pang stakeholders aron sa hapsay nga koordinasyon niini.
Lakip sa mga feature sa Road Safety Week kay ang usa ka Road Safety Fair sa pagpahigayon og mga nagkadaiyang aktibidad niini sama sa LTO-7 e-Patrol nga magdalit og mga serbisyo sa publiko.
Giawhag niini ang publiko sa pagpartisipar sa maong inisyatiba kansang nagtinguha sa pagpa-os-os sa mga aksidente sa kadalanan ug magmugna og ligdong nga kultura sa kaluwasan sa kadalanan sa Central Visayas.
