Magpahigayon og full-blown investigation ang Land Transportation Office (LTO) sa regional office niini diri sa Central Visayas human makadawat og mga report sa alegasyong sa mga kadudahang operasyon niini.
Ang direktiba sa imbestigasyon kay nanukad gikan kang LTO Chief Assistant Secretary Markus Lacanilao human sa pronouncements nga gibutyag ni Department of Transportation (DOTr) Secretary Giovanni Lopez bahin sa giingong mga anomaliya ug kurapsyon sa LTO-7.
Usa ka specialized team gikan sa LTO Central Office ang magpahigayon og masusing imbestigasyon sa tanang mga dokumento ug leads lakip na ang pakighinabi sa mga personahe niini aron sugpuon ang mga giingog kalihukang kurapsyon sa buhatan.
Gipadayag niini nga dili lamang kini simpleng audit ra apan ang pagkuha balik sa pasalig sa publiko nga kung adunay mga kalihukang illegal kay mag-atubang og silot sa balaod.
Pagasusihon ang tanang aspeto sa operasyon, financial transactions, licensing and registration processes ug sa enforcement activities sa LTO-7 sa gilusad nga imbestigasyon. Sa mikinsa man nga opisyal o empleyado ang masakpang konektado sa kalihokan dili mao kay mag-atubang kini sa silot.
Gipasalig sa LTO Central office nga magpagawas sila og update sa kalambuan sa imbestigasyon aron masibay kini sa publiko.
