CEBU – Giawhag ang mga lumulupyo sa Dakbayan sa Mandaue,nga dili dalhon ang ilang mga sakyanan, kung mobotar sila atol sa nasyonal ug lokal nga piniliay karong Lunes, Mayo 9.//
Dugang pa,nga mamahimong makadala ug mga sakyanan,apan mangita ug ka parkinganan nga layo sa mga publikong eskwelahan diin sila nadestino sa pagbotar.//
Matod pa ni Edwin Jumao-as,ang officer-in-charge sa Traffic Enforcement Agency of Mandaue (TEAM),nga gidili ang pagparking gawas sa mga tunghaan nga gamiton sa eleksyon.//
Dugang pa, nga ang 100 metros nga radius gikan sa main entrance sa tunghaan ideklarar nga no-parking area karong Lunes, ug ang gitugutan lang nga pag-parking sa tuo nga bahin sa karsada, gikan sa 100 metros nga no-parking zone.//
Kinahanglan usab nga magpabilin ang mga dalan nga walay babag tungod kay walay mga pagsira sa dalan nga ipatuman panahon sa eleksyon.//
Sa laing bahin, matod ni Jumao-as, adunay usa ka personahe sa TEAM ang idestino nga mo-escort sa paghatod sa vote counting machines (VCMs) ngadto sa nagkalain-laing polling centers sa dakbayan aron masiguro nga dili ma-trapik ang convoy.///
