GIKALIPAY ug dako ni Governor Gwendolyn Garcia nga hingpit nang napanang-iya ug balik sa kagamhanan sa Probinsiya sa Sugbu sa dul-an 30 ka hektaryang luna nga tukuran sa Bantayan Airport.
Matud ni Garcia nga una niyang gikasagmuyo nga napunta sa Mactan-Cebu Airport Authority (MCIA) ang panag-iya sa maong luna sanglit gipaningkamutan gyud niya nga nga mapanag-iya kini sa Provincial Capitol.
Una niini, nagkanayon ang gobernadora nga sa mga nag-una niyang termino sa administrasyon, nagsigi siyag balik-balik sa isla sa Bantayan aron makigsabot sa mga unang tag-iya sa maong luna.
Kini aron, matud pa, matigayon ang land swap ug mapanag-iya sa kapitolyo ang luna sa Bantayan.
Sa kasamtangan, nagkasabot ang Provincial Government ug MCIAA nga humanon ug i-upgrade ang 94-million peso nga airport diin posibling kining mahuman sa tuig 2020. (with reports by Bombo Eric Amaro/GN)
