CEBU – Gipaabut nga mosaka ang trapiko sa mga pasahero sa Mactan-Cebu International Airport (MCIA) sa dakbayan sa Lapu-Lapu atol sa holidays, apan usa ka opisyal sa tugpahanan niingon nga mas ubos ang gidaghanon kon itandi sa pre-pandemic holiday season.
Ang pagsaka sa gidaghanon sa mga pasahero nga mosulod ug mogawas sa airport gilauman nga mahitabo tali sa Nobyembre ug Enero samtang ang mga Pilipino mopauli gikan sa gawas sa nasud o mobalik sa ilang mga probinsya alang sa mga holiday, sumala ni Edilyth Maribojoc, GMR-Megawide Cebu Airport Corp.(GMCAC) corporate affairs head.
Matud pa ni Mactan-Cebu International Airport Authority (MCIAA) general manager Julius Neri Jr. nga “kon 70 porsiyento na nga puno ang mga biyahe, adunay 90 porsiyento nga dugang” panahon sa holidays.
Samtang sa habig ni MCIAA Public Affairs Office head Mary Ann Dimabayao, nagkanayun kini nga ang mga medical team ug personnel gikan sa Bureau of Fire Protection ug Philippine National Police ibutang usab sa airport.
