Balhug sa prisohan ang gidangatan sa duha ka mga walay puangod nga mag-amahan sa Lungsod sa Argao, human nila gimolistya ang bata nga nag edad og 9-anyos sa makadaghang higayon.
Nasayran nga 3 ka tuig na ga-antos ang 9-anyos nga bata sa kababoyan sa iyahang 30-anyos nga stepfather ug 50-anyos nga step grand father, kay puli-pulihan siya kini og pahimolos sa bastos nga pamaagi.
Mao kini ang gisaysay ni Police Executive Master Sergeant Vivian Tamayo, sa Women and Children’s Protection Desk sa PNP Argao, atol sa ikslusibong pakighinabi sa Bombo Cebu Team, diin niadtong Dominggo, Hunyo 15, pasado alas 11:00 sa udto, nidangop sa ilahang dangpanan ang inahan ug ang bata, ug gipahibalo ang maong panghitabo.
Sumala ni Tamayo nga sa susamang adlaw, giingong gi-rape usab ang maong 9-anyos, diin gipaluhod kini sa atubangan sa iyahang stepfather, dayun gipaom-om sa makadaghang higayon ang kinatao niini.
Nahunong lang kini sa dihang niabot ang inahan sa bata gikan nanglawg sa baboy, apan, gisublian kini sa step grandfather, sa higayon nga nibalik ang inahan ngadto sa baboyan, kay nagpaka aron-ingnun lang nga manghuwam og lighter, apan, gibira ang buhok sa bata ug dayun gipa om-om sa kinatao niini.
Ingon man nga 6-anyos palang ang maong biktima nga gisugdan na siya sa pagmolistya sa iyahang stepfather, ug sa dili pa dugay nisunod ang iyahang step grandfather.
Busa, sa dihang namatikdan sa inahan ang maong panghitabo, dali niya nga gikompronta ang iyahang anak, ug diha na niya nasayran nga gimolistya kini sa iyang bana ug ugangan.
Dugang pa sa biktima nga gibaharan kini nga kulatahon kung mosumbong kini nibisan kinsa.
Gikanayon usab ni Tamayo nga napaambit sa inahan nga sukad pa kaniadto, dagmalan na kini sa iyahang bana, apan wala lang niya pitola kay gatoo siya nga bahin lang kini sa iyang pagdisipilina.
Sa pagkakaron, na-andam na ang mga papelis nga gikinahanglanon aron isumeter sa Department of Justice ug mag atubangang duha ka suspek sa kasong qualified rape ug sexual assult. | Bombo Irene Ardiente
