Cebu City- Nag-abot ang duha ka mga magkaribal nga fraternity dinhi sa Sugbo sa gipahigayon ng Dugong Bombo 2017, apan walay gubot nga nahitabo.
Nagkahiusa sa usa ka tumong nga mao ang pagtabang sa komunidad ang Alpha Kappa Rho International Fraternity and Sorority ug Tau Gamma Phi pinaagi sa pag donate ug Dugo sa gipahigayon nga Dugong Bombo 2017 . Dili muubos sa 800 ka mga frat members ang nagpa screen aron nga makapakuha ug dugo isip kabahin sa ilang community service.
Matud ni Livy Bensi, ang senior Soro sa Alpha Kappa Rho International Fraternity and Sorority (AKRHO) nga sa mga bati nga imahe karon nga nagpalibot sa mga fraternities, gusto nila nga maghimo ug kabag-uhan aron nga mausab ang pagtan-aw sa mga tawo kanila. Gihimug-atan niini nga ang mga fraternities ang dili lamang puro kagubot ug kasamok ang dala, inay duna usab silay mga gipahigayong community service.
Mapasalamaton usab si Carlos Lingaw lingaw, ang Board member sa Tau Gamma Phi -Cebu City Chapter sa kahigayunan nga gihatag sa Bombo Radyo kanila aron nga makigbahin sa Dugong Bombo 2017. Matud ni Carlos nga usa kini ka pamaagi nga mapamatud-an sa katawhan nga dili tanang frat members ang tiggamitan sa iligal nga drogas.
Gibutyag pa niini nga karaan na kaayo ang mga frat wars ug giwala na kini karon kay halos tanang fraternities ang nagkahiusa naman alang sa usa ka tumong nga mao ang paghatag ug serbisyo sa komunidad.
