CEBU CITY-Gilaraw karon sa Cebu Provincial School Board nga abagahon ang premium benefits sama sa accident og health insurance sa mga teaching personnel sa probinsya sa Sugbo og ingon man chalk allowance.
Matud sa chairman sa school board nga si Cebu Gov. Gwendolyn GArcia nga importante para sa mga magtutudlo ang kining ‘premiums’ para usab sa ilang kaluwasan og insurance ilabina nga ang uban mibyahe pa og bukid kung diin prone kini sa disgrasya.
Lakip usab nga dugangan ang budget para sa chalk tungod kay reklamo sa mga magtutudlo, kuwang ang 6 mil pesos nga allowance matag tuig para niini hayan makakoot sila sa ilang kaugalingong bulsa.
Hinoon, wala pa gitino sa gobernador kung pila ang ihatag nga budget niini ug ingon man ang coverage sa premium benefits. (from Capitol Beat Reporter Bombo Eric Amaro)
