CEBU CITY — Nabalhog sa prisuhan ang usa ka estudyante sa senior high samtang anaa sa kustodiya sa DSWD ang uyab niini human sila nakuhaan og dul-an duha ka kilo nga marijuana sa Brgy. Cambaro, Mandaue City.
Kini human nga nasikop silang Shaira Mae Blanco, 18 anyos, taga-Lapu-Lapu City ug ang lalaking kauban niini nga 17 anyos sa checkpoint area sa nahisgutang lugar.
Matud ni Police Corporal Ronnie Padeyos sa Mandaue City Police Station 5 nga nagsakay og taxi ang duha ug sa dihang mi-abot kini sa checkpoint, mikanaog kini ug milikay sa kapulisan.
Sa dihang gi-ablihan sa kapulisan ang bag sa lalaki, diha nila nasakmit ang kinilo nga marijuana nga nagkantidad og 40,000 pesos.
Dugang pa ni Padeyos nga giingong gigamit sa lalaki ang marijuana isip konsumo gumikan kay tambal man kini.
Anaa sa prisuhan sa Mandaue City Police Station 5 si Blanco.
