PROVINCE OF CEBU- Patay sa disgrasya ang managsuon nga gikan sa sabongan pasado alas 4 sa hapon, Marso 8, 2025 didto sa Sityo
Balhaan sa Brgy. Madrijos Alegria Cebu.
Ang mga biktima giila nga sila si Ronald Antipuesto, 46 anyos, ug ang iyang maguwang nga si Richard Antipuesto, 47 anyos minyo nga puros residente sa Sityo Highway 54 sa Brgy Poblacion Badian Cebu.
Basi sa initial nga imbistigasyon sa Alegria Police Station nasayran nga gikan sa sabongan sa Sangi, Brgy Madridijos,
Alegria ang managsoon.
Subay niini, gituohang naka inom ang duha nga nag drive sa ilang motorsiklo ug miresulta sa pagkahagbong nila sa Box Culvert ug na parok ang ulo ni Ronald sa tubo gumikan kay wa kini helmet.
Samtang, naigo sab sa dughan sa maong tubo nga puthaw si Richard.
Gisulayan pa pagtabang ang duha sa mga sakop sa Alegria MDRRMO pinaagi sa pagdala ngadto sa Badian District Hospital apan gi deklarar kini nga dead on arrival.
