Giablihan na sa publiko ang bag-ong e-Library sa dakbayan sa Mandaue niadtong Miyerkules, Disyembre 10, 2025.
Nagtumong ang maong bag-ong pasilidad isip paghatag og lugar sa mga Mandauehanon sa ilang pagtuon ug pagkat-on.
Gikatahong mag-operate ang maong e-Library gikan sa alas 8 sa buntag hangtod sa alas 11 sa gabii Lunes hangtod sa Biyernes, ingon man 24 oras kining abli basta adlawng Sabado ug Dominggo.
Nagdalit og nagkadaiyang serbisyo ang maong e-Library sama sa libreng paprint, charging stations, ug kape aron mahimuslan sa mga estudyante, researchers ang pagtuon sa e-Library.
Ang pormal nga pag-abli sa e-Library kay gitambongan sa mga opisyal sa dakbayan nga gipangulohan nila ni Mandaue City Mayor Thadeo “Jonkie” Ouano ug City Librarian Angelina Cagatulia.
Mipadayag sa iyang pasalamat si Mayor Ouano dili lamang sa ilang kagamhanan apan lakip na sab sa mga pag-sponsor gikan sa pribadong sektor sa paghatag niin og dugang 15 ka mga computers.
Ingon man mipadayag si Cagatulia nga walay estudyante o tinun-an ang mabiyaan sa tinguha nga makat-on sa modernong panahon.
