Nanawagan ang City Health Office sa Dakbayan sa Mandaue ngadto sa mga ginikanan nga pabakunahan ang Ilang mga anak aron malikay sa mga sakit-sakit.
Matud ni Dr. Ma. Debra Catulong, ang pangu sa Mandaue City Health Office nga kinahanglang pabakunahan sa mga ginikanan ang mga bata hilabi na kadtong anaa sa 6 months-59 months ang pangidaron aron malikay sa sakit nga Measles ug Rubella.
Sigon niini daan na nga nagpahibalo ang mga sakop sa Mandaue City Health Office lakip na ang mga Nurses, Doctors, lakip na ang mga BHW apan aduna gihapoy mga ginikanan nga mobalibad sa pagpabakuna.
Hinungdan nga nabalaka ang mga sakop sa medical gumikan kay adunay mga nagpakatap og sayup nga mga impormasyon maylabut sa gipahigayung Measles-Rubella Supplemental Immunization Activity, nga miresulta sa mga ginikanan nga magduha-duha sa pagpabukana sa mga bata.
Agig pagsulbad niini, nanawagan si Dr. Catulong sa mga ginikanan nga dili diha-diha dayun motuo sa mga nagpakatap og sayup nga impormasyon, inay iberipikar kini ug adto motuo sa mga pahimangno sa mga medical expert.
Kini aron malikayan ang susamang nahitabo nga epidemic susama sa Covid-19.
