Gisaysay ni Salvin Lagumbay, International Boxing Judge atol sa pakighinabi sa Bombo Newsteam ang mga bintaha nila ni Manny Pacquiao ug ni Mario Barrios sa usag-usa alang sa ilang umaabot nga duwa karong Hulyo 20 ning tuiga.
Diin mas naglabaw ang advantage ni Pacquiao bisan paman sa iyang edad nga 46-anyos, mas labaw kang Barrios nga 30 anyos palang.
Apan, madasigon si Lagumbay nga dili mabiyaan si Pacquiao ug makahatag kini og maayong performance hilabi na nga mas taas ang iyang pahuway.
Ingon man nga wala mabalaka si Lagumbay kang Manny tungod kay bisan paman nga dugay kini nga nakapahuway sa boxing apan kanunat gihapon ang iyang pag-exercise sama sa jogging ug uban pang sports nga makamintenar sa iyang kapaspason ug kalig-on.
Gipaambit usab niini nga dili susama si Pacquiao sa normal nga tawo inay giisip kini nga ‘the greatest fighter of all time’.
