TANZANIA –Padayon ang pagmonitor sa World Health Organization (WHO) sa bag-ong mga taho sa pagkaylap sa Marburg Virus Disease (MVD) sa United Republic of Tanzania.
Nasayran nga sukad nga gideklarar ang outbreak sa maong virus niadtong Enero 20, ning tuiga, usa ka dugang nga kumpirmadong namatay ang gitaho sa Ministry of Health gikan sa epicenter sa outbreak sa sakit sa Biharamulo district sa Kagera region.
Sa ulahing datos nga ilang natala kay adunay kinatibuk-ang duha ang nakumpirmar nga mga kaso ug walo ka posible nga impeksyon ang gitaho sa ilang ahensya.
Una niini, ang tanan nga 10 ka mga kaso kay namatay, lakip ang walo nga namatay sa wala pa makumpirmar ang pagkaylap sa sakit.
Subay niini, ang Ministry of Health naghimo og usa ka nasudnong plano sa pagtubag aron sa paggiya sa mga kalihokan.
Dugang pa, usa ka nasudnong paspas nga pagtubag nga grupo ang gipakatap sa apektadong rehiyon aron mapauswag ang imbestigasyon ug pagtubag sa pagkaylap sa sakit, nga adunay suporta sa teknikal ug operasyon gikan sa WHO ug mga kauban sa kahimsog.
