Gituki ni Presidente Ferdinand Marcos Jr. ang panagbangi sa South China Sea atol sa iyang interbensyon sa 45th ASEAN Summit ug Related Summits sa Laos ug gipasiugda ang pagkamatinud-anon sa Pilipinas sa pagmando sa balaod ug international rules-based order.
Matud sa Presidential Communications Office (PCO) nga gipasiugda ni Marcos ang pagsunod sa Pilipinas sa 1982 United Nations Convention on the Law of the Sea (UNCLOS) ug sa 2016 Arbitral Award sa mga paningkamot niini sa pagsulbad ug pagdumala sa mga panagbingkil ug pagtumaw sa tension ngadto sa China.
Ang China ug Pilipinas usa sa mga nangangkon sa mga bahin sa lapad ug adunahan sa kahinguhaan sa South China Sea nga giangkon sa Beijing nga hingpit lakip na ang mga feature nga anaa sa sulod sa exclusive economic zone (EEZ) sa Pilipinas.
Kaniadtong 2016, ang Permanent Court of Arbitration sa ‘The Hague’ mihukom nga ibasura ang mga pag-angkon sa kasaysayan sa China sa agianan sa tubig, apan nagdumili ang Beijing nga ilhon ang desisyon ug ipadayon ang militarisasyon ug agresyon niini sa giawayan nga katubigan.
Usa sa mga tumong ni Marcos sa pagtambong sa ASEAN Leaders’ Interface uban sa ASEAN Inter-Parliamentary Assembly (AIPA), kay ang pagpalig-on sa kooperasyon ug pagsinabtanay sa mga ASEAN Member Parliaments sa mahinungdanong mga isyu sa rehiyon.
