Nagkaistorya sila si Presidente Ferdinand R. Marcos Jr. ug United States (US) President-elect Donald Trump pinaagi sa telepono diin ilang gituki ang dugay nang alyansa sa ilang duha ka nasod.
Atol sa pagbisita ni Marcos sa mga komunidad nga naigo sa bagyo sa lalawigan sa Catanduanes, gipaambit niini nga iyang gipadayag ngadto kang Trump nga andam ang Pilipinas nga hangupon ang mas lawom pa nga relasyon sa labing karaan ug pinakalig-on nga kaalyado sa militar.
Dugang pa sa Presidente nga nagtinguha usab kini nga makigkita kang Trump sa labing dali nga panahon.
Ingon man nga gipaambit usab niini nga ang iyang inahan, si Imelda Marcos, kay suod nga higala ni Trump.
Bisan tuod siya miingon nga wala sila maghisgot mahitungod sa kahadlok sa mass deportation sa mga undocumented immigrants sa US human sa kadaugan ni Trump, si Marcos mipasalig nga ang gobyerno milihok na niini aron matabangan ang mga apektadong Pilipino.
Bisan pa, giingon ni Marcos nga ang iyang panag-istoryahanay ni Trump “produktibo kaayo.”
