CEBU CITY- Nanguna ang Sugboanong Olympian ug skateboarder nga si Margielyn Didal sa gatusan ka mga skater sa gipahigayon nga “push parade” gahapon, Domingo, Hunyo 21, 2026, sa Dakbayan sa Sugbo.
Gawas sa pagsaulog sa World Skateboarding Day, tumong sa maong tapok nga bag-ohon ang panawagan alang sa pagatukoron nga pampublikong skate park sa siyudad.
Gilauman nga pinaagi niini, mas mapalambo pa ang maong dula samtang gi-awhag ang kagamhanan sa siyudad ug ang pribadong sektor sa paghatag og saktong pasilidad alang sa mga skater.
Kahinumdoman, si Didal nakahatag og dungog sa nasod human makakuha og bulawang medalya sa 2018 Asian Games ug nakasulod sa Tokyo Olympics.
Ang maong parada dako og natabang sa pagpakita sa nagkakusog nga komunidad sa skateboarding dinhi sa Sugbo.
