Gipanumpa ni World Boxing Council (WBC) welterweight champion Mario Barrios nga dili siya magpakitag kaluoy kang 8-Division world champion Manny Pacquiao sa ilang gikatakdang away.
Matod ni Barrios, wala siya’y plano nga buhaton ang nahitabo sa dihang nag-atubang sila si Jake Paul ug Mike Tyson, diin daw nagpakitag kaluoy ang bag-ong boksidor batok sa boxing legend nga si Tyson.
Hinuon, gikatahong ipabati ni Barrios ang kabug-at sa iyang kumo ngadto sa Pinoy boxing icon.
Nangatarungan si Barrios nga kon balihon nila ang posisyon ni Pacquiao, seguradong dili usab siya maluoy kaniya.
Ang welterweight champion namahayag usab nga ang kaluoy walay luna sa sport nga iyang gisudlan, ug miingon nga andam siyang depensahan ang iyang titulo, bisan kinsa ang iyang atubangon.
Sa pagkakaron 46 anyos na si Pacquiao samtang 30 anyos pa lang ang boksingero nga iyang ikasangka.
Bisan pa sa mas dakong kasinatian ni Pacquiao sa ring, si Barrios nagkupot sa ubang pisikal nga bentaha sama sa mas taas ug mas taas nga mga bukton.
Ang duha gikatakdang mag-away karong Hulyo 20 (Phil. time).
