Miapil ang Philippine Navy sa selebrasyon sa Maritime and Archipelagic Nation
Awareness Month (MANA Mo) 2026, nga gipasiugdahan sa Dungan nga Nationwide Blowing of Ships’ Horns.
Isip kabahin sa selebrasyon, ang Philippine Navy, uban sa ubang mga ahensya sa gobyerno, tanang mga barko nga adunay bandila sa Pilipinas sa tibuok nasud, ug mga barko nga adunay bandila sa internasyonal, dungan nga mohuyop sa ilang mga horn sulod sa usa ka minuto aron ipakita ang kolektibong pagpahayag sa identidad sa Pilipinas isip usa ka nasud nga arkipelago.
Sa pakighinabi sa Bombo News Team kang Commander Karl Jace Pagtananan PN, Commanding Officer sa BRP Enrique Jurado, nga ang nag-unang katuyoan sa MANAMO mao ang pagpauswag sa kaamguhan sa mga Pilipino nga ang nasud aduna’y dako ug maayong mga natural history ug marine life.
Gipadayag usab niya nga kauban sa mga bahandi sa dagat ang bug-at nga responsibilidad sa matag Pilipino sa pagpanalipod, pag-atiman, ug pagtipig sa mga yamang-dagat ug sa tibuok maritime domain sa Pilipinas aron sa umaabot nga henerasyon.
Subay niini, gidasig ang mga ahensya sa gobyerno, mga lokal nga unit sa gobyerno, ug ang pribadong sektor sa pagsalmot sa mga kalihokan nga nagtumong sa pagpataas sa kaamgohan sa mga isyu ug kabalaka sa kadagatan ug arkipelago.
