CENTRAL VISAYAS-Gihangup sa Naval Forces Central Visayas ang pag-abut sa Indonesian Navy Vessels – KRI SAMPARI (628) ug KRIHIU (634) nga midunggo sa Captain Veloso Pier (CVP), Naval Base Rafael Ramos, Brgy Looc, Lapu-Lapu City,Cebu.
Kini subay sa ipahigayon nga Maritime Training Activity tali sa Republika sa Pilipinas ug Indonesia nga gitawag og“MTA PHILINDO 2023” sa Cebu City ug kadagatan sa Habagatan-kasadpan sa Negros Oriental nga gisugdan sa Septiyembre 24 ug mahuman sa 30, 2023.
Ang nasangpit nga aktibidad pagasalmotan sa Philippine Navy (PN) ug Indonesian Navy (IDN) ug sa ilang tagsa-tagsa ka mga patrol ship.
Ang MTA PHILINDO 2023 usa ka tinuig nga Navy-to-Navy maritime training tali sa PN ug IDN nga gipahigayon sa lain-laing Naval Operating Forces sa Pilipinas nga suklian sa samang kalihokan sa Indonesia.
Karong tuiga ang 3rd iteration, ang MTA PHILINDO 2023 pagahimoon aron mas mapalambo ang interoperability,situational awareness ug mutual cooperation tali sa duha ka Navy.
Ang nasangpit nga kalihokan maglangkit sa navigation ug operations training aron mapalig-on ang relasyon ug mapalambo ang mutual cooperation sa duha ka Navies pinaagi sa pagpalambo sa hiniusang operation doctrines, practices ug naval tactics.
Kini ipasiugda pinaagi sa pagpahigayon sa Field Training Activities sama sa maritime security operations,surveillance, reconnaissance, maritime interdiction operations, gunnery training ug air operations training.
Ang Naval Forces Central, sa Kabisay-an nagpadayon sa ilang adbokasiya ug dili matarug nga pasalig sa pagpalig-on sa kasamtangang kolaborasyon nga pakigtambayayong ug pakiglambigit sa nagkalain-laing katugbang nga pwersa sa Navy sa Asia-Pacific Region aron makab-ot ug mapalambo ang kooperasyon ngadto sa kalinaw, kalig-on, seguridad ug pag-uswag sa Visayas.
