Nagplano ang House prosecution panel nga hangyoon ang Senate Impeachment Court nga mo-isyu og subpoena sa usa ka indibidwal nga ginganlag “Mary Grace Piattos” aron motambong sa impeachment trial ni Bise Presidente Sara Duterte.
Gisulti kini ni Atty. Lorna Kapunan sa usa ka ambush interview apan giklaro nga wala pa nila makit-i si Mary Grace Piattos, kinsa giingong usa sa mga nakadawat og payout gikan sa confidential funds sa Office of the Vice President ubos ni VP Sara Duterte.
Dili masulti sa abogado kung kanus-a mahimong i-subpoena si Mary Grace Piattos tungod kay daw nangita na sila bisan asa apan wala nila siya makit-i.
Miingon siya nga kung tugotan sa korte ang pag-isyu sa subpoena, ipadala kini sa opisina sa OVP sa Mandaluyong City.
Ang Bombo Medico Rate Card Sports Si Mary Grace Piattos usa sa mga nakalista nga saksi sa prosekusyon alang sa impeachment trial sa bise presidente, base sa pre-trial brief.
Atol sa husay niadtong Lunes, ang ngalang Mary Grace Piattos mibalik isip usa sa mga resibo sa pag-ila sa P125 milyon nga confidential funds nga gipagawas niadtong ulahing bahin sa Disyembre 2022, nga giingong nagasto sulod lang sa 11 ka adlaw.
