CEBU CITY-Padayon nga makasinati ug pag-uwan ang paabuton sa Metro Cebu sa kataposang semana sa buwan sa Hulyo 2024.
Matod pa ni Jhomer Eclarino kinsa Weather Specialist sa Philippine Atmospheric, Geophysical, and Astronomical Services Administration (PAGASA) Mactan Station diin kini nagpasabot nga amg mga Sugbuanon kinahanglang mangandam alang sa dugang kahigayonan sa hilit nga pag-ulan ug localized thunderstorms sa dakong bahin sa Sugbo.
Dugang sa eksperto nga naka-monitor ang state weather bureau og 5 ka low pressure area sa sidlakang bahin sa Philippine Area of Responsibility diin usa niini nahimutang 440 kilometro silangan sa Catarman, Northern Samar sa Eastern Visayas.
Gipasabot niya nga ang LPA nakaapekto lamang sa Eastern Visayas, samtang ang Central Visayas makasinati og localized thunderstorms.
Nipahimangno ang opisyal nga permanenting magbinantayon sa lakat sa panahon ilabi na sa mga color-coded heavy rainfall warnings.
