Gikompirmar sa pamunuan sa Department of Agriculture nga target nila nga ipatuman ang maximum suggested retail price sa imported nga bugas.
Matod ni Agriculture Sec. Francisco Tiu-Laurel Jr., ila karong gitrabaho ang maong plano isip tipik sa paningkamot sa kagamhanan sa pagpaubos sa retail price sa bugas sa nasud.
Damgo sa ahensya nga mawala na sa mga merkado ang P60 matag kilo sa bugas kay pamatuod lang kini sa paglungtad sa ‘profiteering’.
Ubos sa maximum suggested retail price, matino kung pila ang kinahanglan nga labing taas nga presyo sa pagbaligya sa imported nga bugas sa mga merkado.
Kalabot niini, gikompirmar sa kalihim nga gikatakdang makigtagbo sila sa DTI, BPI ug BIR.
Plano usab sa ahensya nga magpagawas ug guidelines alang sa pagpatuman sa maximum suggested retail price karong buwana.
