Makigtagbo si Mayor-Elect Nestor Archival, sa mga tinugyanan sa proyektong Cebu Bus Rapid Transit (CBRT), aron ma-klaro ang status niini.
Kini gumikan sa nakita ni Archival atol sa iyahang pag inspeksyon sa niaging adlaw, nga aduna pa’y mga bahin sa maong dapit ang wala mahuman og trabaho.
Tataw ni Archival, sa kadaghan sa iyahang obserbasyon, ang nanguna niini mao ang daghang gitrabaho sama sa Center Island nga estayon nga wala gihapon mahuman.
Busa, buot niya nga makigpulong sa CBRT team ug sa mga contractors sa dili mo abot ang Hunyo 30, kay nabalaka kini sa kasamtangang sitwasyon sa maong dapit ilabi na nga aduna pay mga debris, mga kural nga mga mugbo kaayo, ug usab ang mga tanom nga nanglabaw ang mga gamot.
Gipanglantawan usab sa Mayor nga gikinahanglan na nga magbutang og mga “warning devices” aron malikayan ang mga disgrasya sa mga magi sa maong dapit, ilabi na og kung gabii, kay aron kinatibuk-an ng malimpyo ang bahin sa Osmeña Blvd. nga maoy gitrabaho alang sa package 1 sa CBRT project. | Bombo Irene Ardiente
