Mayor Mike Rama nangayo og dugang P50 bilyon nga tinuig nga budget alang sa tuig 2024

CEBU CITY-Nangayo og dugang P50 bilyon si Cebu City Mayor Mike Rama sa una nang gisugyot nga P50 bilyon nga tinuig nga budget alang sa fiscal year 2024.

Matod pa nga kini aron sa pagsolbad sa epekto sa climate change sa Dakbayan, nga makita sa grabeng pagbaha pipila ka mga dapit sa syudad, ang tinuig nga budget sa 2024 gidoble gikan sa P50 bilyones ngadto sa P100 bilyones.

Matod niya nga iyang gisumiter ang proposal ngadto sa Konseho sa Dakbayan alang sa pagsusi ug pag-aprobar sa umaabot nga budget hearing.

Matod niya nga andam siyang mohatag og dugang katin-awan ug motubag sa mga pangutana sa Konseho labot niini.

Sa pagkakaron, wala pa matino kung asa makuha sa Siyudad ang budget sanglit ipaubos pa kini sa deliberasyon.