CEBU CITY-Gikompirmar ni Cebu City Mayor Mike Rama kagahapon adlawa, Disyembre 3, 2024 nga walay street parties panahon sa Sinulog.
Matod pa ni Rama nga uyon lang siya nga tugotan ang mga street parties sa dakbayan atol sa Sinulog kung ang mga organizer mosunod sa usa ka kondisyon.
Nihangyo usab siya sa mga business establishment nga dili mamaligya o magpakita og ilimnong makahubog atol sa Sinulog.
Gimanduan usab sa mayor ang Cebu City Police Office nga ipakatap ang ilang mga personahe aron malikayan ang mga street parties ug inom og ilimnong makahubog sa mga pampublikong lugar.
Dugang niini, nipirma pa si Rama og direktiba nga nag-ila sa guidelines, general procedures, ug mga pagdili sa kapistahan sa miaging tuig.
Subay sa maong balita, ang pagdili sa street parties atol sa Sinulog gisugdan bisan sa wala pa sa panahon ni Rama.
Kahinumduman nga ang nangaging mga mayor nipatuman og pagdili sa mga street party tungod sa kahadlok nga ang mga panghitabo magpasiugda og kapintasan, unregulated liquor drinks, ug mga kriminal nga kalihokan sama sa pagbaligya ug paggamit sa ilegal nga drugas.
