MANDAUE CITY-Gihukman sa trial court sa dakbayan sa Sugbo si Consolacion Mayor Teresa ‘Nene’ Alegado nga ‘guilty’ sa indirect contempt sa kasong civil nga gipasaka sa usa ka local supermarket firm.
Diin nihukom ang Branch 14 sa Regional Trial Court sa Cebu City (RTC-Cebu City) nga sad-an si Alegado tungod sa giingong kapakyas niini sa pagtuman sa mando sa korte bahin sa giawayan nga pag-abang ug pagpahawa sa mga barikada sa giabangan nga propyedad sa Fooda Saversmart Corporation.
Giproklamar sa korte ang desisyon niini niadtong Disyembre 19, 2024 apan ang mga kopya sa 12-pages nga hukom gihatag lang sa mga miyembro sa media gahapon, Enero 8, 2025.
Atol sa pakighinabi sa Bombo Radyo Cebu kang Mayor Alegado gisaysay niini nga tungod wala sila nagkasinabot sa Fooda Saversmart Corporation gumikan dili kini mosugot sa bag-ong balaod nga gilagda sa Consolacion kabahin sa mga bag-ong revenues.
Diin ang gusto sa Corporation nga tumanon ang gipirmahan niini kaniadtong 2005 nga hangtud sa 50 ka tuig nga Joint-owned ang yuta hinungdan nga gi-invoke ni Alegado ang iyang authority isip local executives sa pagpangita sa maangayon sa rental property, apan wala nagkasinabtanay ang duha ka habig hinungdan nga gikoral nalang sa opisyal.
Dugang pa ni Alegado nga dili lang kini ang unang higayon nga gipasakaan siya og kaso apan, daw wala nitagam tungod kay padayon paman gihapon sa pagpasaka bisag napildi na.
Gani, sa dihang gimanduan ang mayor sa korte nga tangtangon ang koral kay iya kining giguba hinungdan nga wala usab nasabtan ni Alegado nganong na-contempt kini nga siya man unta ang nangunay og guba sa gitukod niini nga koral.
Ingon man nga wala kini naguol sa kaso tungod kay matud pa niya nga adunay motion for reconsideration diin dunggon ang iyang habig diin gikatahong iduso karong adlawa ni lawyer Paulo Sucalit, ang Municipal Legal Officer sa Consolacion.
