CEBU PROVINCE-Gitataw ni Mayor Sun Shimura, kinsang mayor sa Daanbantayan nga ilang panalipdan si Governador Gwendolyn Garcia sa mga baruganan niini nga adunay kalabutan sa iyang mga gipagawas nga pamahayag nunot sa nahitabong mga kapalpakan sa pasigarbo sa Sugbo.
Matud pa ni Shimura nga insakto ang gihimo sa gobernadora nga iyang gisita ang nagdumala sa sound system sa kalihukan tungud sa kadaghang anomalya atol sa pasundayag.
Gidugang pa sa Mayor nga nausik ang mga kahago sa tanang contingents gumikan sa mga glitches sa sound system.
Hinungdan nga mipadayag si Shimura sa iyang pasalamat ngadto sa inahan sa probinsya sa Sugbo isip kanunay nga gihunahuna ang ilahang mga kahago sa tanang higayon.
Kahinumduman nga kusganon nga gihimakak ni Alberca ang pasangil nga gisabotahe niini ang pasigarbo sa Sugbo.
Gidugang pa niini nga maguba ang ilahang negosyo og kon gani iyang isabotahe ang maong kalihokan.
