CEBU CITY-Gitataw ni Talisay City Mayor Gerald Anthony ‘Samsam’ Gullas nga nagpahigaYon siya og kaugalingo’ng imbestigasyon ug sa kasaysayan sa sitwasyon sa Sitio Sugarland Talisay, City diin nag-antos ang mga residente sa baha nga way hubas-hubas.
Sa ekslusibong pakighinabi sa Bombo Radyo Cebu kang Gullas sa tulumanong Zona Libre, nagkanayon kini nga 6 na katuig ang problema sa naasoy nga barangay human sa ‘backfilling’ sa WT Construction.
Wala na matud pa gipatawag ni Gullas ang WT Construction sanglit 2014 paman kini natagaan og permit ubos sa kanhi administrasyon. Busa, ang himoon nalang matud pa sa mayor mao ang solusyon aron nga mahubas na ang baha sa naasoy nga barangay.
Gibutyag usab sa mayor nga drainage gyud ang ilang ibutang sa maong dapit butang nga mao usab ang gusto sa mga lumulopyo apan ipaagi kini sa laing proseso gumikan kay ubos matud pa kaayo ang Sitio Sugarland ug kung butangan og drainage diritso muagi pa kini sa mga private land.
Hinungdan nga nakab-ot karon nga plano sa panggagamhanan sa Talisay subay na usab sa paghiling sa City Engineering Offfice sa dapit nga butangan og drainage apan kadtong tangke nga padung sa Rabaya aron malabay ug muhubas ang tubig.
Gipadali na matud pa kini sa mayor pagpa-istudyo ang lugar ug nagpahigayon na kini og meeting karong adlawa kabahin sa himoong solusyon alang sa Sitio Sugarland.
