CEBU CITY – Gi ronda sa mga sakop sa Provincial Intelligence Branch ug Provincial Drug Enforcement sa Cebu Provincial Police Office ang panimalay sa Mayor ug Bise Mayor sa lungsod sa San Francisco , isla sa Camotes , Cebu.
Pinasikad sa search warrant nga giluwatan ni Honorable Judge Leopoldo Cañete sa RTC Branch 60 , gi ukay sa kapulisan ang panimalay nilang Mayor Aly Arquillano ug sa igsuon niini nga si Vice Mayor Alfredo Arquillano gumikan sa kasong kalapasan sa Republic Act 10591 kon Illegal Possession of Firearms.
Nakuha gikan sa mga subject ang usa ka magazine sa caliber 45 pistol, usa ka live ammunition sa 9mm caliber pistol, usa ka 22 rifle nga dunay serial number ug usa ka magazine, tulo ka mga cellular phones, usa ka magazine sa 45 caliber pistol nga dunay pito ka mga, usa ka 45 caliber pistol ngfa dunay lim ka mga live ammunitions , usa ka AR 15 rifle nga dunay serial number ug 12 ka mga live ammunitions , usa ka fragmentation grenade, 68 ka mga emplty shell sa cal . 45 ammunitions ug 50 ka mga empty shell sa 9mm ammunitions.
Matud ni Police Captain Alejandro Batobalonos kinsang nangulo sa maong operasyon nga human masayud ang mga supporters sa mayor kabahin sa operasyon, dali kini sila nga nagtapok sa atubangan sa balay niini. Hinuon na kontrolar ra usab sa kapulisan ang mga supporters sa mga Arquillano.
Naa na karon sa kustodiya sa PIB ang duha ka opisyal ug nakatakda nga pasakaan og tukmang kaso.
