Giila isip usa sa best airports sa Asia-Pacific region ang Mactan-Cebu International Airport (MCIA) sa dakbayan sa Lapu-Lapu niadtong tuig 2025.
Giila sa Airports Council International (ACI) pinaagi sa Airport Service Quality (ASQ) ang maong pag-ila sa MCIA isip Best Airport Award in Asia-Pacific sa kategoryang 5-15 million passengers per year.
Ang award nag-ila sa mga airport nga nagdalit og outstanding customer experience base sa passenger feedback nga nakuha niini pinaagi sa ASQ program. Gi-evaluate niini ang pag check-in sa mga pasahero, security screening, kalimpyo sa terminals, wayfinding, og overall passenger comfort.
Gianunsyo ang pasidungog sa Mactan-Cebu International Airport Authority (MCIAA) diin sumala pa ni General Manager ug CEO Mr. Julius G. Neri Jr. nga ang kadaudan sa prestihiyosong pasidungog naghulagway sa ilang ligdong nga kolaborasyon sa kagamhanan ug sa pribadong sektor ingon man sa mainit nga paghangop ug pagkama-abiabihon sa mga Sugboanon.
Magtimaan kini sa ikaduhang higayon nga nakadawat sa susamang award ng MCIA diin ang unang pasidungog kay nakuha niadtong 2024.
Ang prestihiyosong ASQ Awards kay usa sa labing tinahod nga pasidungog sa aviation industry.
