Moabut pa sa 80 posyento ang suplay sa tubig nga nabalik sa Metropolitan Cebu Water District o 220,000 cubic meters matag adlaw sukwahi sa sagad nga suplay sa tubig nga moabut sa 275,000 cubic meter matag adlaw.
Kini ang gibutyag sa Spokespeson sa MCWD nga si Minerva Gerodias, nga wala pa hingpit nakabalik ang suplay sa tubig gumikan kay wala pa usab maayu ang duha sa mga dagkong sources sa tubig, diin nahimutang sa Barangay Lusaran og sa dakbayan sa Talisay nga grabeng naapektuhan sa tungod sa Bagyong Tino.
Magpahigayun usab og flushing ang MCWD gumikan kay na-anam-anam na og sumpay ang ilang mga tubo nga nangaguba tungod sa Bagyo, nakig-alayon usab ang buhatan sa mga kadagkuan sa Watermatic aron sa pag-ayu sa ilang mga tubo nga nahimutang sa Mananga river.
Nanghinaot usab si Gerodias, nga hinay-hinay nang mabalik ang suplay sa tubig sa pipila ka mga lugar og mabati na ang kausaban, taliwala sa mga padayung pagtrabaho sa MCWD sa mga naguba nga tubo, gumikan kay moabut sa 30 Million ka litro sa tubig matag-adlaw ang Nawala gumikan lang sa kadaot.
Gihimug-atan usab sa MCWD, nga kinahanglan gihapon nga bayaran sa mga kosumidor ang ilang bill sa tubig, taliwala sa una nang gipabalo sa buhatan nga walay disconnection nga mahitabo alang sa pagkosiderar sa mga naapektuhan usab sa Bagyo.
Gipasabot usab ni Gerodias, nga ang buhatan sa MCWD, padayung gatrabaho alang sa pagpabalik sa suplay sa tubig.
