CEBU CITY-Makalaum ang mga konsumidor sa Metropolitan Cebu Water District (MCWD) nga mahuman na ang kasungian ug magmalinawon na ang operasyon sa MCWD.
Kung kahinumdoman nga ang maong buhatan giuwan sa pagsaway ug panagbangi tungod sa pagbutang ni Suspended Cebu City Mayor Mike Rama ug sa buhatan sa Local Water Utilities Administration (LWUA) sa ilang tagsa-tagsa ka board members ug general managers nga maoy hinungdan sa away sa gahom sa kasamtangang lider.
Gumikan niini, giklaro sa Office of the Government Corporate Counsel (OGCC) pinaagi sa pagluwat og bag-ong legal opinion kalabot sa partial takeover sa LWUA sa nahisgutang water district.
Matod sa OGCC, “invalid” ang pagkuha sa LWUA sa MCWD tungod kay wala sa “state of debt-default” ang nahisgutang water district aron manghilabot sa operasyon niini.
Gipahayag kini sa nagpatin-aw nga opinyon sa OGCC nga gipirmahan ni Solomon M. Hermosura, ang Government Corporate Counsel, ug Owen M. Vidad, Government Corporate Attorney Officer-in-Charge for Team Environment and Water.
Nasayran nga ang maong legal opinion gipagawas niadtong Mayo 9, 2024.
Dugang pa ni Daluz nga gipirmahan na ni Cebu City Acting Mayor Raymond Alvin Garcia ang excavation permit sa water district sa dakbayan aron ayohon na ang water infrastructure sa mga konsumidor sa Metro Cebu.
