Mopatuman sa production adjustment nga 548,000 barrels kada adlaw sa Agosto 2025 gikan sa Hulyo 2025 nga gikinahanglan nga lebel sa produksiyon sa produktong lana ang 8 ka miyembro sa grupong Organization of the Petroleum Exporting Countries Plus (OPEC+) nga mao ang Saudi Arabia, Russia, Iraq, United Arab Emirates, Kuwait, Kazakhstan, Algeria ug Oman.
Kini taliwala sa steady global economic outlook ug kasamtangang himsog nga mga sukaranan sa merkado, ingon nga gipakita sa ubos nga mga imbentaryo sa produktong lana ug subay sa desisyon nga gikasabutan kaniadtong Disyembre 5, 2024 nga magsugod sa usa ka hinay-hinay ug flexible nga pagbalik sa 2.2 milyon nga bariles matag adlaw nga voluntary adjustments sugod sa Abril 1, 2025.
Ang 8 ka mga participating countries, nga kaniadto nagpahibalo sa dugang nga voluntary adjustments kaniadtong Abril ug Nobyembre 2023 nga nagtagbo kaniadtong Hulyo 5 aron repasuhon ang mga global market conditions ug outlook.
Ang pag-adjust sa produksiyon musumada sa upat ka binulan nga pag-uswag diin ang anam-anam nga pagtaas mahimo’g ihunong o balihon ubos sa nagbag-o nga kahimtang sa merkado.
Kini nga pagka-flexible magtugot sa grupo nga magpadayon sa pagsuporta sa kalig-on sa merkado sa produktong lana.
Ang 8 ka mga nasud sa OPEC+ miingon nga kini nga lakang maghatag ug higayon alang sa mga partisipante nga mga nasud aron mapadali ang ilang compensation.
