CEBU CITY – Gipasabot ni Dr. Mary Jean Loreche, ang tigpamaba sa Visayas Vaccination Operation Center (VVOC), nga ang Alert Level 1 susama nga normal na ang sitwasyon, apan sa gihapon adunay pipila ka mga restrictions.
Matud pa, ang mga Local Government Units (LGUs) ang gihatagan ug kagawasan sa ilahang mga COVID-19 guidelines, apan gikinahanglan ipabilin ang pagsul-ob sa facemask.
Bisan pa man niini, gitataw ni Dr Loreche nga dili pa ‘advisable’ alang sa Kabisay-an ang kagustohan sa kaulohan nga Alert Level 0, diin sa maong status mahimo nang dili magsul-ob ug facemask.
Sigon pa, dili angayan nga magkumpyansa gumikan kay ang ubang nasud mibalik na usab ang kahugot sa mga restrictions subay sa subling pagsaka sa kaso sa COVID-19.
Subay usab niini, giawhag ni Loreche ang publiko nga magpabakuna ug importante nga magpaturok ug ‘booster shot’ arun nga magpabilin ang lebel sa proteksyon sa lawas.
