Mga apektado sa Lot 937 demolition way klarong relocation site

CEBU – Nahasubo ang pipila ka mga residente sa Barangay Apas, kinsa apektado sa bag-ohay lang nga demolisyon sa Lot 937 Sitio San Miguel sa naasoyng dakbayan.

Kini gumikan way klarong relocation site ang gigahin alang kanila ilabi na kadtong way laing balay nga kabalhinan.//

Matod pa ni Marilyn Salbatierra, usa sa mga apektadong residente , nga naluoy kini sa ubang mga apektado gumikan sa ka way klaro nga kabalhinan sa iyahang mga silingan.

Dugang pa ni Salbatierra nga igo lamang sila gisultihan nga sa Lot 11-12 apan pag-abot sa lugar way espisipikong lugar alang kanila.

Hangyo nalang niini sa lokal nga kagamhanan nga hatagan og igong relocation site ang ubang mga residente nga apektado sa naasoyng demolisyon.