Suportado sa mga kabatan-onang nagprotesta sa Nepal ang pagpangulo sa ilang nasud sa pinakaunang babayeng Chief Justice niini sa ilang parliament duha ka adlaw human mikaoag sa posisyon ang ilang Prime Minister.
Ang kanhi Chief Justice kay ang 73-anyos nga si Sushila Karki, nga tanyag sa ilang kasaysayan isip pinakauanng babayeng Chief Justice sa ilang hudikatura diin karon kay retirado na apan maoy frontrunner isip mahimong interim leader sa ilang nasud.
Gisugyot ang iyang pangan ngadto na sa ilang president ug sa ilang armadong kusog gikan sa mga representantes sa mga rallyista.
Giila ang protesta karon sa Nepal nga “Gen Z” protest diin kadaghanan sa mga nidumog sa mga kadalanan kay nagpangidad ug 28 paubos tungod sa grabeng kurapsyon ug censorship sa ilang mga reklamo gikan sa ilang gobyerno.
Miabot na sa 34 ang patay sa panghitabo ug kapin 1,300 ang naagol sumala pa sa Nepali Health Ministry.
Padayong nagpatrolya ang mga sundalo sa kapitolyo nga Kathmandu diin kadaghanan kun dili man tanan nga mga tindahan, ekswelahan ug unibersidad ang sirado tungod sa pag-alsa na sa katawhan sa pagdaog-daog kanila.
