CEBU CITY-Sutaon ug sigurohon nga walay presensya sa mga libaong og mga infrastructure damage ang mga kadalanan sa dakbayan sa Sugbo nga subayon sa mga nagkadaiyang aktibidad sa Piyesta Señor 2025.
Mao kini ang gipaambit ni Cebu City Councilor Jerry Guardo atol sa koordinasyon niini sa plano ni Cebu City Mayor Raymond Alvin Garcia isip kabahin sa pagsiguro sa kaluwasan sa publiko nga musalmot sa prosesyon ug parada sa kapistahan ni Sr Sto Niño.
Subay sa schedule sa mga Agustinong kaparian nga nagdumala sa Basilica Minore del Sto Niño de Cebu kinsa maoy balay sa Balaang Bata nga si Hesus kay aduna kiniy unang prosesyon nga mao ang “Walk with Jesus” sa umaabot Enero 9.
Samtang pagasundan kini sa “Walk with Mary” sa Enero 17 ug “Solemn Procession” sa bisperas sa kapistahan sa Enero 18.
