PROVINCE OF CEBU-Plano sa buhatan sa Department of Health nga ipaubos sa training ang mga doktor ug nurses sa mga provincial ug district hospitals sa lalawigan sa Sugbo alang sa ‘Bagong Urgent Care and Ambulatory Services’ o kon BUCAS program sa DOH.
Diin ang tumong niini arun mapalapdan pa sa DOH ang ilang serbisyu ngadto sa mga kabus nga mga pasyente.
Matud pa ni Dr. Jaime Bernadaz, ang Regional Director sa Department of Health Region 7 nga kini mao’y priority ni DOH secretary Ted Herbosa nga moabli og daghang BUCAS program sa tibuok nasud.
Gani, ang naasoy nga programa sama ra sa Out patient Department nga nagtanyag og libre nga tambal ngadto sa mga kabus nga mga pasyente.
Subay niini, gidayeg ni Cebu Governor Gwendolyn Garcia ang inisyatiba sa ahensya nga nagtumong nga makatabang sa mga Sugboanon nga nagkinahanglan og tabang medikal.
