CENTRAL VISAYAS-Nagulintang ang tanang empleyado sa National Food Authority sa gipagawas nga mando gikan sa Ombudsman niadtong Marso 4, 2024 sa tibuok Pilipinas sa pagpataw og preventive suspension order sa tanang employees.
Sa pakighinabi sa Bombo Radyo Cebu kang Atty. Inocencio Dela Cerna, ang legal counsel sa mga apektadong empleyado sa NFA Region 7, arun sa pagtubag sa mga isyu nga gikalambigitan sa mga NFA officials ug lakip niini si NFA Administrator Roderico Bioco, kinsang gipaubos sa 6 months preventive suspension.
Gibutyag ni Atty. Dela Cerna nga ang hilabihan nga naigo sa maong isyu ang anaa sa mga ubos nga empleyado ug ingon man nga adunay kaguliyang na nga nahitabo gumikan atol sa Congressman hearing migawas nga ang mga lista sa mga nasuspenso gikatahong wala’y validation ug wala’y imbitigasyon nga gipahigayon sa Department of Agriculture.
Dugang pa niini nga sa dihang nahibaw-an nga adunay anomalya sa Central Office nga mao’y unang modawat sa mga kalihokan, instruction ug uban pa nga gipangulohan ni Bioco, ang gikuha sa ahensya sa DA ang metrix sa mga tawo nga nagdumala gikan sa ibabaw hangtud sa ubos nga posisyon ug napakyas nila og pagtan-aw nga ang uban nga anaa sa lista giingong dugay ng namatay, ni-retired, ug ang uban wala na sa katungdanan.
Asoy pa ni Dela Cerna nga nagpasaginla’y na diin ang DA miingon nga gikan sa NFA apan, wala kini giangkon.
Ingon man nga nasakitan kini alang sa mga empleyado nga igo ra misunod sa mando ug gituohan nga ‘valid’ tungod gikan kini sa ibabaw ug gipirmahan sa kadagahanan.
