CEBU CITY-Gipasabot ni Konsehal Jerry Guardo, ang committee chairman sa technical infrastracture sa Sugbo nga mipasar pa siya og ordinansa nga mag ban na sa mga poste nga kahoy.
Kini human nga nakita sa konsehal nga ang mga karaan nga kahoy nga poste ang gi-anay na, duna’y crack ug delikado na kining maputol ug makaigo pa og balay.
Nagsumiter na matud pa si Guardo og resolution para sa totally banning niini ug ilisan na og concrete post kun sementado nga poste.
Kung ma-aprobahan ang maong ordinansa, pangtangtangon na ang mga kahoy nga poste ingon man dili na usab makataod pa ang mga telecommunications niini.
Tagaan usab sila og 3 ka tuig para tangtangon ug ilisan ang mga kahoy nga poste kung diin asa sila nakataod sa ilang linya ug dili na usab kinahanhglan nga daghan ang linya nga itaud niini.
Giklaro usab ni Guardo nga duna na usab consultation nga iyang gihimo tali sa telcos kalabot sa umaabot nga plano sa banning sa wooden post kung ma aprobahan na ang maong ordinansa.
