CEBU – Nagkadaghan na ang mga menor de edad sa Sugbu nga nalambigit sa illegal nga Drugas ang uban niini gigamit na isip drug carriers, subay niini gikuhaan og habig sa Bombo News Team si Mayor Mike Rama, isip amahan sa Sugbu kung unsa ang iyang mga lakang kabahin niini.
Matud pa ni Rama, nga mao kini ang usa sa gi-focu-san sa mga kapulisan og nagpahigayun na sila og meeting kabahin niini, kauban ang kanhi Philippine National Police (PNP) chief nga si Debold Sinas, nga kasamtangang adviser sa Cebu City’s Peace and Order Council,ug si Konsehal Philip Zafra ang chairperson sa peace and order sa Sugbu, arun tukion ang maong Problema sa mga kabaton-unan og mapangitaan og solusyon.
Una nang nibutyag ang kapulisan sa CCPO nga nagpahigayon silag reimplementation sa Oplan Bulabog ngadtu sa mga menor de edad sa Sugbu, Subay sa pagtaas sa krimen nga may kalabutan ang mga kabatan-onan.
