CEBU CITY — Nagpabilin karon sa 35 ang ihap sa mga nataptan sa COVID-19 sa Central Visayas apan nadugangan pa karon ang mga nagnegatibo sa maong sakit.
Sa latest report gikan sa Department of Heath (DOH)-7, nadugangan pa anaa sa 13 ang total number of recoveries human nga naayo ang duha ka pasyente gikan sa dakbayan sa Sugbo.
Walay nadugangan karon sa ihap sa mga namatay maong anaa pa sa walo ang death toll niini.
Nag-una gihapon ang dakbayan sa Sugbo diin aduna kini 22 ka mga kaso, samtang anaa sa tulo ang Lapu-Lapu City, ug duha sa Mandaue City.
Upat ang nagpositibo sa COVID-19 sa Negros Oriental, tulo sa lalawigan sa Sugbo, ug usa sa Bohol.
Nagpabiling COVID-free ang lalawigan sa Siquijor base sa latest data sa DOH-7.
Mihangyo si Dr. Jaime Bernadas sa publiko nga itupong ang pag-antos sa gipatumang precautionary measures sa local government ngadto sa mga medical frontliners kinsang nag-atiman sa mga pasyenteng natakbuyan sa makamatay nga sakit.
