Makalaum ang mga biktima sa pagbaha, panginabuhi, nawala nga mga panimalay, ug mga minahal, nga dili pasagdan sa administrasyong Marcos ug mipasalig nga padayong moabag sa ilang panginahanglan.
Kini ang gisaad ni Presidente Ferdinand R. Marcos Jr., atol sa seremonya sa World Bank Froup Philippines Country Partnership Framework (CPF) 2025 – 2031 diin nagpasalamat si Marcis sa padayong paghatag og tabang sa World Bank sa nasud.
Hinungdan nga siguruhon usab niini ang padayon nga paghatod sa mga tabang sa katawhang nabiktima sa mga niaging bagyo hangtud nga makabangon kini pagbalik.
Hilabi na nga anaa ang pinansyal ug kahanas nga gihatag sa World Bank sa Pilipinas, ang gobyerno, nagpunting sa paghulma sa bag-ong Pilipinas, nga labi ka lig-on, ug walay mahibilin; Kung diin ang matag Pilipino makatagamtam sa daghang mga oportunidad, ug mabuhi nga may pagsalig ug kagawasan.
Sa pikas bahin, gilauman nga moabot sa 16 ka mga bagyo ang mosulod sa nasod gikan sa Agosto hangtod sa Disyembre karong tuiga, sumala sa state weather bureau.
Diin ang peak gipaabot sa umaabot nga mga bulan.
Matod sa bureau, mga duha ngadto sa tulo ka bagyo ang mosulod sa Agosto, duha ngadto sa upat sa Setyembre hangtod Nobyembre ug usa ngadto sa duha sa Disyembre.
Busa, giawhag ang publiko ug lokal nga kagamhanan sa pagpabiling alerto ug pagmonitor sa weather updates taliwala sa nagkakusog nga panahon sa bagyo.
