CEBU CITY-Nagtapok ang Kilusang Mag-uuma sa Pilipinas (KMP), uban sa ubang mga progresibong grupo nga nakabasi sa Cebu City, sa gawas sa Police Regional Office 7 aron ipahibalo ang ilang mga kabalaka nga nagtuyok sa ilang singgit, nga ‘Depensahan ang atong yuta, Depensahan ang mga mag-uuma! Pakigbisugan ang repormang agraryo, karung adlawa Huwebes Oktubre 19, 2023.
Wala hinuon magdugay ang ilang rally sa protesta tungod sa kusog nga musika sa mga polis sa maong dapit.
Sa pikas bahin, gitino ni Jaime Paglinawan ang Chairman sa Bagong Alyansang Makabayan sa Central Visayas, nga ang tumong ug tuyo sa rally nga ilahang gihimo, arun mapaabut sa kagamhanan ang ilahang singgit sa kabalaka sa mga mag-uuma sa mga isyu ug demanda nga ilahang nasinati.
Dugang pa, nga pipila sa mga mag-uuma sa Sugbo ug Pilipinas, nagpadayun ang ‘militarization’ sa ilahang mga lugar nga ang yano nga demand alang sa tinood nga yuta wala gihatag sa ilaha ug pipila niini gi deklarar nga ni surrender sa Militar.
Gitino niini, nga kulang kaayu o walay nahatag ang gobyerno sa mga kaigsoonan nga mag-uuma nga mapalambo ang ilahang pag-uma.
Kini gumikan kay hangtud sa kasamtangan nagpadayun nga nagsalig ang Gobyerno sa imported nga produkto ilabi na sa bugas, butang nga ni baratu ang pagpalit sa ilahang mga abut apan mahal kaayu ngadtu sa mga ka merkadohan.
