COMELEC Mandaue, subling nanawagan nga magparehistro sa dili pa matapos ang voters registration sa Mayo 18

Giawhag sa Commission on Elections sa dakbayan sa Mandaue ang ilang mga gisakupan nga magparehistro og sayo, o sa dili pa tak-opan ang registration sa Mayo 18.

Sa gipaambit ni Atty. Ann Fleur Gujilde, ang Election Officer sa COMELEC Mandaue, nga gatuo sila nga sa duha ka adlaw sa dili pa ang deadline kay daghan ang moapas nga magparehistro apan natingala sila gumikan sukwahi kini sa ilang gilauman.

Gituohan usab ni Atty. Gujilde nga daghan ang wala pa masayod sa katapusang adlaw sa registration hinungdan nga wala midagsa ang mga Madauehanon.

Tungod niini, gisubli sa COMELEC ang ilang pahimangno pinaagi sa media ug mga barangay networks aron mapukaw ang mga kwalipikado nang mobotar apan wala pa makalihok.