CEBU CITY- Gipahibalo ni Cebu City Vice Mayor Tomas Osmeña ang pagdili sa tanang mga empleyado sa City Hall sa pag-idling o pagpaandar sa makina sa mga sakyanan sa gobyerno samtang naka-parking o naka-standby.
Kini nga kamandoan, nga giaprobahan usab ni Mayor Nestor D. Archival, gihimo aron masiguro ang husto ug episyente nga paggamit sa gasolina ug mga kahinguhaan sa kagamhanan taliwala sa pagsaka sa presyo sa lana.
Sumala sa maong direktiba, ang kinsa man nga masakpan nga molapas niini pagahatagan og tukmang silot base sa kasamtangang mga lagda ug regulasyon sa dakbayan.
Gipahimangnuan niini ang mga Sugbuanon nga kon makakita og drayber o sakyanan nga naglapas sa balaod, kuhaan og video sa kalapasan ug ang plaka sa sakyanan.
Human niana, ipadala pinaagi sa Viber sa City Hall hotline; 0991-473-7567, o kang Vice Mayor Osmeña pinaagi sa Viber sa 0917-329-9999.
